Ginebra, Qatar nagkainitan
MANILA, Philippines - Nagkagulo sa tune-up game ng Barangay Ginebra at Qatar national team at nag-walkout naman ang San Mig Coffee (B-Meg) sa kanilang laro ng Alaska sa mga pre-season games bago magsimula ang 38th PBA season sa Setyembre 30 sa Araneta Coliseum.
Hindi natapos ang naturang laban ng Gin Kings at Qataris noong Lunes ng gabi nang magpang abot sina Kerby Raymundo at 6-foot-6 forward Muhammad Yousef ng Qatar sa 4:57 sa third quarter kung saan angat ang mga bisita, 53-52.
Sa Reyes Gym naman kahapon, pinamunuan ni coach Tim Cone ang walkout ng San Mig Coffee kontra sa Alaska Milk matapos hindi magkasundo sa tawagan ng mga referees.
Naghahabol ang mga Mixers (dating Llamados) sa 50-63 sa third quarter nang magpunta si Cone sa bench ng Alaska at nakipagkamay kay coach Luigi Trillo kasunod ang paglabas ng court.
“It was obvious that our guys were still not ready to play a full game. In reality, we’ve only been practicing for a couple of days and our guys are just not in shape,” wika ni Cone.
“We began to worry about injury and when a controversial call was made, we took advantage of it to stop the practice. I never should have scheduled that practice game this early. That was my fault. My apologies to Alaska and coach Luigi (Trillo),” dagdag pa ni Cone.
Nagdesisyon si Cone na palabasin ang San Mig Coffee nang tawagan ng mga referees si Jerwin Gaco ng flagrant foul.
“I look up to coach Tim. And inside the court, the best respect I can show him is to play hard. That’s what we did,” wika ni Trillo.
- Latest
- Trending
