Lopez Maoy kampiyon sa Bohol marathon
CEBU, Philippines - Mikulit og kasaysayan ang Cebuano long distance runner nga si Mendel Lopez human niya nasakmit ang titulo sa labing unang Bohol Marathon nga nanukad ug natapos didto sa Bohol Beach Club kagahapon.
Ang Cobra Ironman 70.3 Philippines finisher nga si Lopez mitapos sa 42k full marathon sud sa duha ka oras, 47 minutos ug 40 segundos, gisundan nila ni Jeffrey Sotto sa Iligan sa oras nga 2:49:37 ug Alvrig Busa sa Davao sa oras nga 2:53:20 isip second ug third place finisher.
Mas paspas pa si Lopez sa mga Kenyan nga sila si Abraham Missos (2:47:59) ug Francis Kakui (2:47:37) kinsa gipadagan, apan wala giapil sa kompetisyon aron mahatagan og kahigayunan ang mga Pinoy runners.
Ang Cebuana nga si Christy Sevilleno-Tutor usab ang misakiyo sa titulo sa women’s class sa oras nga 3:55:19, samtang sila si Odeiza Abellana (4:05:00) ug Merlita Arias-Dunkin (4:22:59) maoy second ug third placer.
Laing Cebu elite runner nga si Mary Joy Tabal ang midaog sa 21k category sa oras nga 1:30:10 ug si Jobert Carolino (1:14:56) maoy hari sa men’s division. - LPM (BANAT NEWS)
- Latest
- Trending
