Immonen, Makkonen kampeon sa partypoker.net 2012 World Cup Of Pool

MANILA, Philippines - Napagtagumpayan ni­na Mika Immonen at Petri Mak­konen na ilagay ang Finland sa mga bansang nanalo sa PartyPoker.net World Cup of Pool nang talunin sina Ka­rol Skowerski at Wojciech Szewcyk ng Poland, 10-8, sa finals sa pagtatapos ng torneo kagabi sa Robinson’s Manila.

Naging kapana-panabik ang race-to-10 finals dahil na­nalo ang Finland nang ku­nin ang huling tatlong racks na pinaglabanan.

May dapat na ipagpasa­lamat sina Immonen at Mak­konen kay Szewcyk na may tatlong errors upang mawalang saysay ang hina­wakan na 8-7 kalamangan ng Poland.

Ito ang ikalawang pag­ka­kataon na naglaro sa fi­nals ang Finland dahil no­­ong 2007 ay naipasok nina Immonen at Markus Java ang bansa sa championship la­ban kina Li He-wen at Fu Jian-bo ng China.

Pero nabigo sila nang ma­itakas ng China ang 11-10 panalo.

Sa taong ito, ang 16th seeds na sina Immonen at Makkonen ang siyang na­ging paborito matapos ka­lusin ang nagdedepensang Germany, 8-4, sa second round bago isinunod ang Team B ng Pilipinas na sina Ef­ren Reyes at Francisco Bus­tamante. (ATan)