Bostolits, Mayupay mag-abot sa UBCA finals

CEBU, Philippines - Gipangpilde sa Grace Bostolits ug Mayupay-ICC Pharmacy ang tagsa-tagsa nilang kaatbang aron moabante sa finals sa Bayanihan Catholic Association (UBCA) Basketball Camp Association 2012 niadtong Domingo didto sa barangay Quiot Sports Complex.

Ang Grace Bostolits mipalagpot sa host Quiot-San Roque, 101-95, samtang gitagak sa Mayupay-ICC Pharmacy ang karibal nga Yati-San Isidro, 87-83.

Ang championships himuon karong Domingo.

Pirmeng naglabaw og double digits ang Bostolits sa first half sa trayanggulo nilang Roger Quitoy, Mike Malalay ug Tiks Hyperwage.

Nakabawi hinuon ang Quiot-San Roque sa third period gamit ang 28-14 run sa pagpangulo nilang Ronnie Ruiz ug Pyramid Dada aron mosikit ngadto sa 69-72 pagsugod sa fourth quarter.

Mga mahinungdanong   baskets nilang Malalay ug Quitoy maoy nagsalbar sa Bostolits aron maangkon ang luna sa finals.

Silang Malalay ug Quitoy parehong miiskor og 21 puntos aron pangulohan ang Bostolits. Samtang si Ruiz mao usab ang nangu sa Quiot-San Roque pinaagi sa iyang 26 puntos.

Sa sayo pa, si Barok Lasque miposa og 30 puntos alang sa Mayupay-ICC Pharmacy. Ug ang pilderong Yati gipangulohan ni Rommel Garcia, kinsa mipabuto og 22 puntos, gisundan ni Danrey Baclay nga miamot og 19 puntos.

PUNTOS MATAG USA

Unang duwa:

MAYUPAY (87) - Lasque 30, Dela Cruz 11, Abellanosa 10, Cagakit 8, Dela Pena 7, Padillo 6, Dada 4, Lawas 3, Palma 2, B. Celestial 2, N. Celestial 2, Murillo 2

YATI (83) - Garcia 22, Baclay 19, Sevellejo 17, Calvo 11, Villantes 6, Ramirez 4, Faunillan 2, Daculan 2.

Ikaduhang duwa:

Bostolits (101) - Malalay 21, Quitoy 21, Hyperwage 14, Francisco 10, Dela Pena 7, Patrimonio 6, Regis 6, Bonbon 4, Pizon 3, Petiluna 3, Llanura 2, Ochigue 2, Llamedo 2

Quiot (95) - Ruiz 26, P. Dada 12, Roma 10, Intud 10, S. Murillo 9, Auxtero 8, Allera 5, Elechicon 5, Capacio 2, Espaniol 2, Osorno 2, Perez 2, D. Murillo 2 (BANAT)