Eagles nagsolo

MANILA, Philippines - Lumabas uli ang karanasan ng Ateneo nang kunin ang 74-71 come-from-behind panalo laban sa kinapos na FEU para masolo ang unang puwesto sa 75th UAAP men’s basketball kagabi sa Smart Araneta Coliseum.

May 17 puntos, 8 re­bounds, 5 blocks at 3 assists ang 7-footer na si Greg Slaughter at siya ang pinag­hugutan ng puntos ng Eagles para makumpleto ang pagbangon mula sa 12 puntos pagkakalubog sa unang yugto ng labanan.

Ang two-handed dunk ni Slaughter ang tuluyang nagbigay ng kalamangan sa Eagles, 58-57, bago niya sinundan ng magandang pasa para kay Kiefer Ra­vena tungo sa layup at iangat sa tatlo ang lamang.

Sina Arvie Bringas at Anthony Hargrove ang nagtulong para idikit ang Tamaraws sa 60-62, pero rumatsada sina Ravena at JP Erram ng 7-0 bomba upang itala ng Ateneo ang pinakamalaking kalama­ngan sa laro na siyam na puntos, 69-60.

Sina Ravena at Tiongson ay mayroong tig-12 puntos at ang huli ay nagpakawala ng dalawang tres sa ikalawang yugto upang ang naunang 23-35 iskor ay napababa ng Eagles sa 49-53 sa halftime.

Ito ang ikapitong sunod na panalo ng Eagles sa Tamaraws at solo na sila sa unang puwesto sa 6-1 karta. Bumaba ang Tams sa 5-2.

Sa unang laro, kumana ng magkasunod na tres sina Jeron Teng at Almond Vosotros para tulungan ang La Salle sa 87-86 panalo matapos ang dalawang overtime sa host National University.

Ang bagitong si Teng ay tumapos taglay ang career-high na 35 puntos habang si Vosotros ay may 18 puntos at ang Archers ay tumabla sa Bulldogs sa 4-3 baraha.

May 35 puntos din si Bobby Ray Parks Jr. para sa Bulldogs na hindi na nakabangon pa nang hawakan ng Archers ang 85-79 abante upang tapusin ang sa first round bitbit ang 4-3 panalo talo karata.

Ateneo 74- Slaughter 17, Tiongson 12, Ravena 12, Buenafe 10, Salva 6, Erram 6, Elorde 6, Sumalinog 3, Chua 2, Gonzaga 0, Golla 0.

FEU 71- Garcia 21, Har­gro­ve 12, Romeo 10, A. Bringas 10, M. Bringas 7, Belo 6, Tolomia 3, Pogoy 2, Cruz 0.

Quarterscores: 18-21; 27-37; 49-53; 74-71.