WBC title idedepensa ni Tubieron vs Japanese pug

MANILA, Philippines - Ipagtatanggol ni World Boxing Council international bantamweight champion Dennis Tubieron ang kanyang korona laban kay Japanese challenger Hiroki Shiino sa “Bakbakan Sa Elorde” boxing card sa Setyembre 8 sa Elorde Sports Complex sa Para-ñaque City.

 Dalawa pang naghahawak ng WBC youth intercontinental crown ang magtatangkang panatilihin ang titulo sa bansa.

Ito ay sina WB youth intercontinental bantamweight belt-owner Jaderes Padua na lalaba-nan si Indonesian James Mokogintal at WBC youth intercontinental super flyweight titlist Gabriel Altarejos na haharapin ang kanyang kababa-yang si Weljan Ugbaniel ng Sarangani.

 Si Tubieron at Shiino ay maghaharap sa isang 12 round fight, samantalang ang mga suntukang Padua-Mokoginta at Altarejos-Ugbaniel ay gagawin sa 10 round.

Samantala, si Renan Trongco ay makikipagpalitan ng suntok kay Japanese Ryu Onigashima para sa bakanteng WBC international light flyweight championship.

Lahat ng apat na Pi-lipinong nasa tampok na labanan ay mabibigyan ng pagkakataong lumaban para sa WBC championship sa kani-ka-nilang dibisyon kung sila ay mananalo, ayon kay coach Archer Villamor sa SCOOP sa Kamayan weekly session sa Kama-yan Restaurant-Padre Faura noong Biyernes. 

Dalawa pang umaasang makamit ang WBC youth intercontinental championsip sa kani-ka-nilang dibisyon--Vergel Nebran at Joe Maxian ay magpapakita rin ng gilas.