Green ug red nagsawo sa liderato

CEBU, Philippines - Midaug ang Green Team nga gipangulohan ni triggerman ug skipper Jingjing Rama human sila maka-ipsot batok sa Blue Team ni District Collector Ronnie Silvestre, 77-73 samtang midaug sab ang Red Team ubos ni Bingo Matugas pinaagi sa pagpukan sa solo leader White Team,90-82 kaniadtong Huwebes sa gabii atol sa nagpadayong elimination round sa 3rd Major Alfonso Abbariao Cup 2012 Inter-color summer basketball tournament didto sa Basak San Nicolas gym, ning dakbayan.

Sayong naglabaw ang Green pinaagi sa mga puntos gikan nilang Rama, Rizan Herbito ug Noel Medalle. Misikit ang Blue sa second quarter apan nabiyaan lang gihapon sila'g sayis puntos atol sa halftime, 34-40.

Hinoon, wala matarug ang Green ug padayon sa ilang maanindot nga opensa ubos sa liderato ni Rama kinsa mihimo'g 18 puntos pareho kang Herbito samtang midugang og 16 puntos si Medalle.

Sa main game, mi-iskor og 22 puntos si Kenneth Kern Sesante ug mitikdol si Bingo Matugas ug 21 puntos alang sa Red samtang ang White gipangulohan ni Boodie Monteño kinsa mihakot og 20 puntos.

Puntos matag usa:

    First Game:

GREEN (77)- Rama 18, Herbito 18, Medalle 16, Bacalla 11, Cabrera 7, Datu 5, Rabanes 2.

BLUE (73)- Laraga 17, Manahan 17, Laborte 16, Capalan 6, Gornez 5, Canonayan 4, Velez 4, Velarde 2, Librando 2.

Second Game:

RED (90)- Sesante 22, Matugas 21, Apuya 16, Mose 11, Quiño 10, Velarde 8, Ali 2.

WHITE (82)- Monteño 20, Nadal 15, Sabanal 14, Cañete 13, Yu 12, Viodor 4, De Gracia 2, Dela Cruz 2. (BANAT NEWS)