Marquez mipilde ni Fedchenko

Nakita na usab ang katakus sa Mexican boxing superstar nga si Juan Manuel Marquez dihang iyang gipilde pinaagi sa unanimous decision ang Ukranian nga si Sergey Fedchenko kagahapon didto sa Mexico City.

Si Marquez misakmit sa bakanteng WBO interim light welterweight title nga mipasamot s iyang kompiyansa nga ipadayon ang pagukod sa usa ka ‘fourth fight’ batok ni Manny Pacquiao.

Kontrobersiyal nga kadaugan

Naputos sa kontrobersiya ang kadaugan ni kanhi lightweight champion Brandon Rios dihang mireklamo ang kampo sa iyang kontra nga si Richard Abril og dili patas nga pagtratar gikan sa mga hurado.

Midaog si Rios pinaagi sa split decision kagahapon didto sa Las Vegas, apan daghan ang nagtuo nga mas daghan og napasud nga kumo si Abril.

Katsidis moretiro nalang?

Posibleng hapit na ang katapusan sa boxing career ni Australian knockout artist Michael Katsidis human siya nakahiagum og laing kapildehan batok ni Albert Mensah didto sa Las Vegas.

Si Katsidis usa sa mga sikat nga lightweight kaniadto, apan hinay-hinay na nga misawop ang iyang karera human sa sunod-sunod nga kapildehan.