Registration sa Dance Camp ugma ra taman

CEBU, Philippines - Kutob na lang ugmang adlawa ang registration alang sa Dance Camp Cebu 2012 nga gikatakda sa Abril 13-16 diha sa Mountain View Nature's Park sa Brgy. Busay.

Ang dance camp bukas sa tanang tinun-an, P.E. teachers, amateurs, social dancers ug niadtong gusto pa nga mokat-on sa nagkalain-laing sayaw. Motambong sila isip individual o dance couples.

Malakip sa dance lessons mao ang Latin American, modern standard ug social ballroom.

Niadtong interesado, mahimong magparehistro sa Dancesport-Team Cebu City Training Center sa Cebu City Sports Center o mahimong motawag sa numero 415-5844.

Duha ka packages ang mahimong pilian sa mga partisipante. Ang P6,000 package naglakip sa accommodation ug meals sa panahon sa ilang pag-estar, workshop fee, welcome ug farewell dinner, samtang ang laing package nagkantidad og P4,000 niadtong mo-stay out sa workshop venue. Ang nag-unang 100   registrants lang ang makaangkon og stay-in package. (BANAT SPORTS)