Teams C ug E midaug sa cekalco hoopla

CEBU, Philippines - Parehong mikulit og managlahing daog ang Team C ug ang Team E sa nagpadayong Center Katipunan A. Lopez Christian Organization (CEKALCO) 2012 basketball tournament didto sa  A. Lopez open court sa barangay Labangon ning dakbayan.

Gilubong sa Team C ang Team D, 79-60 samtang mikulit ug 74-65 nga kadaugan ang Team E batok sa Team A kaniadtong Biyernes sa gabii.

Hugot nga depensa ang gipatuman sa Team C didto sa third quarter diin nakalitan ang ilang karibal ug wala dayon makasulbad sa ilang gameplan.

Mga puntos nga gikan nilang Don Elmido ug Tiks Bacho maoy nakapakurat sa Team D ug wala kini nila mapiog hangtod na didto sa fourth period.

Si Robert Bistis maoy nangu sa team C human siya mopakatap ug game-high 26 puntos samtang nagkumboya ug 36 puntos silang Dowin Panungalinog, Dong Sumalinog ug Bacho.

Ang Team D gipangulohan ni Edwin Lazaga kinsa mihipos og 21 puntos.

Sa main game, nagmangtas silang Ritchie Villarosa ug Danny Desoyo aron pangulohan ang Team E. Si Villarosa mihakot og 24 puntos ug si Desoyo mi-antug ug 22 puntos ug si Dodong Desoyo miabuno og 10 puntos.

Si George Aspera maoy nangu sa Team A pinaagi sa iyang 22 puntos.

Ang torneyo sa CEKALCO nahimong posible sa pagpaningkamot sa ilang mga opisyales ubos sa ilang maabtik nga presidente nga si Roland Sameon ug vice-president SPO1 Nelson Solana.

Puntos matag usa:

first Game:

TEAM C (79)- Bistis 26, Panungalinog 16, Bacho 10, Sumalinog 10, Elmido 8,  Ensong 2, Elmido 2.

TEAM D (60)- Lazaga 21, Gacasan 12, Yoma-oy 10, Navares 6, Loayon 5, Ho 4, Rosales 2.

Second Game:

TEAM E (74)- Villarosa 24, Da. Desoyo 22, Do. Desoyo 10, Tabasa 6, Beltran 6, Allain 4, Cabalda 2.

TEAM A (65)- Aspera 22, Tenchavez 14, Sinog 11, Dolero 7, Delos Reyes 6, Gacho 6, Perina 1. PR/GGM ( BANAT NEWS )