Ranola ubos sa Taiwanese bet
MANILA, Philippines - Walang ningning ang makikita sa Pilipinas kung ang idinadaos na 2012 AMWAY eSpring Women’s World 9-Ball Open Championship sa Cue Master Pool Club sa Taipei, Taiwan ang pag-uusapan.
Nagtapos agad ang kampanya ni SEA Games double gold medalist Iris Ranola sa knockout stage nang hiyain ni Lai Hui-shan ng host Taipei, 7-2, sa pagbubukas ng yugto noong Sabado.
Sinuwerte ang 24th ranked lady cue artist sa mundo na si Ranola na nakaabante sa Last 24 nang angkinin ang 3-2 karta sa Group E upang magkaroon ng pag-asa ang lahok mula Pilipinas sa labanan sa kampeonato.
Kasamang isinali sa torneo si Rubilen Amit na nasa ika-15th puwesto sa World Pool Association women’s ranking, pero nasibak agad ito sa group elimination sa mahinang 2-3 baraha sa Group H.
Ang mga nagdomina sa bawat grupo sa eliminasyon ay nag-bye sa first round at si Lai ay hindi rin nagtagal sa knockout stage dahil pinagpahinga siya ni Xiao Ting-pan ng China sa second round.
- Latest
- Trending
