Alcordo miburak 42 pts. alang sa Park N' Go

CEBU, Philippines - Mihimo og rekord nga 42 puntos ang tirador nga si Cesar Alcordo aron pangulohan ang Park N’ Go Bakeshop pagdemolis sa walay daog nga San Miguel, 103-89 sa elimination round sa Talisay Basketball Association (TBA) 2012 First Conference basketball tournament didto sa Talisay Sports Complex, dakbayan sa Talisay.

Ang Park N' Go maoy kanunay nga naglabaw gikan sa pagsugod hangtod na sa katapusang gutlo sa duwa. Miposte sila sa ilang labing dakung labaw nga 19 puntos, 91-72 sa fourth sa wala pa nila sakmita ang daog.

Siyam ka three points ang gipabuhagay ni Alcordo ug nakakuha sab siya og suporta gikan nilang Rickboy Nacario ug sa sentro nilang si Aikan Cabañero nga nagkumboya og 21 puntos.

Ang pilderong San Miiguel gipangulohan ni Allan Cabrera sa iyang 28 puntos.

Sa laing bahin, mikulit sab og daog ang duha ka teams sa CJ Optical ni Randy Gavas batok sa tagsa-tagsa nilang kaatbang. Ang CJ Optical midaog batok sa Warriors, 67-60 sa category-C, samtang midaog sab ang ilang team batok sa Powerade, 90-80 sa Category-B

Sa lain pang duwa sa category C, ang Sejisworld midaog  sa Arbedoms, 54-49 alang sa 1-1 nga baraha.

Ang Bulls ni Frank Seville midaro sa ilang ikaduhang sunod-sunod nga daog pinaagi sa paglubong sa Chicago, 60-46. 

PUNTOS MATAG USA

PARK N’ GO (103) - Alcordo 42, Cabañero 11, Nacario 10, Gabisan 10, Tojeno 8, Radjae 7, Arias 6, Cabo 5, Delos Reyes 2, C. Vernaiz 2

 SAN MIGUEL (89) - A. Cabrera 28, Delos Reyes 15, Patiluna 15, Tantay 12, Igamo 5, Mancao 4, Dela Cuesta 4, Bascon 4, Villaber 2  (BANAT SPORTS)