2 PBA games idaraos sa Dubai
MANILA, Philippines - Dalawang magkasunod na laro sa 2012 PBA Commissioner's Cup ang mapapanood ng mga Overseas Filipino Workers (OFWs) sa Dubai sa Huwebes at Biyernes.
Lalabanan ng Barako Bull ang Rain or Shine sa alas-8 ng gabi sa Huwebes bago sagupain ng Elasto Painters ang Ginebra Gin Kings sa alas-7 ng gabi sa Biyernes sa Al-Shabab Sports Center sa United Arab Emirates.
Ipapalabas sa AKTV sa IBC Channel 13 ang nasabing dalawang laro sa Sabado simula sa alas-6:30 ng gabi.
Naging masaklap na karanasan para sa Talk 'N Text ang kanilang dalawang sunod na paglalaro sa Dubai sa 2011 PBA Governor’s Cup noong Hunyo 30 at Hulyo 1 matapos magkaroon ng problema kay promoter Ramon Pizarras ng Filipino Basketball Center.
Hindi nabayaran ng buo ni Pizarras ang hotel bills at flights pabalik ng PBA delegation.
Ginulat ng B-Meg ang Talk ‘N Text, 111-105, noong Hunyo 30 bago nakabangon sa pamamagitan ng kanilang 123-113 paggupo sa Ginebra noong Hulyo 1.
- Latest
- Trending
