'Takbo para sa Karunungan'

MANILA, Philippines - Pakakawalan sa Marso 11 ang ‘DZMM Takbo Para sa Karunungan’ sa Quirino Grandstand.

Bukas ang mga race category na 3 km, 5 km, 10 km at 21 km sa mga lalahok sa fun run na isasagawa upang makalikom ng pondo para sa mga iskolar mula sa mga tinamaan ng bagyong ‘Sendong’ sa Cagayan de Oro at Iligan.

Ipagpapatuloy ng DZMM ang temang pang-edukasyon ng fun run ng nakaraang taon, kung saan nakatanggap ng scholarship ang 25 na estudyanteng nasalanta ng bagyong Ondoy.

Ngayong taon, 25 na es­tudyante naman mula sa Ca­gayan de Oro at 25 mula sa Iligan ang matutulungan ng fun run. Mapupunta rin ang ilang bahagi ng pon­do sa pagpapatuloy ng pag-aaral ng mga napiling is­kolar noong nakaraang ta­on.

Sinimulan ng DZMM ang ganitong klaseng prog­ra­ma noong 1999 nang ilun­sad nito ang ‘DZMM Tak­bo para sa Kalikasan’.

Ang taunang event ay na­kalikom ng pondo pa­ra sa mga proyektong pang­ka­likasan katulad ng re­ha­bilitasyon ng La Mesa wa­tershed at Pasig Reha­bi­l­itation Project sa pakiki­pagtulungan ng ‘Bantay Kalikasan’ ng ABS-CBN.