Maglisud pagkuha og lisensya

Gitugtan na siya sa Las Vegas court nga isibug sa Hunyo ang iyang pagsulod sa prisohan alang sa iyang May 5 fight, apan dili pa kini kaseguradohan nga makaaway gyud si Floyd Mayweather Jr.

Kini human gipahibalo sa Nevada State Athletics Commission (NSAC) nga posible pa nga ma-deny ang pag-apply og bag-ong lisensya ni Mayweather tungod sa kaso niini.

Dodie Boy mi-KO sa Thai

Nagkinahanglan lang og usa ka round ang undefeated nga si Dodie Boy Peñalosa Jr. aron pagdispatsar sa Thai nga si Superjames Singmanasak.

Si Peñalosa Jr. mipatumba ni Singmanasak pinaagi sa usa ka left hook aron masakmit ang iyang ikawalong sunod-sunod nga daog.

Evans, Sonnen nakakuha title shot

Pulos nakakuha og kahigayunan nga moaway alang sa Ultimate Fighting Championship (UFC) title sila si Rashad Evans ug Chael Sonnen.

Kini human sila midaog sa tagsa-tagsa nila ka mga kaatbang kagahapon sa UFC on Fox didto sa Chicago. Si Evans moaway ni light heavyweight king Jon Jones, samtang si Sonnen makig-rematch ni middleweight champ Anderson Silva.  - BANAT NEWS