Gira sa walay pildeng teams

CEBU, Philippines - Magtakus ang walay pilde nga Sacred Heart School-Ateneo de Cebu (SHS-AdC) Magis Eagles ug University of Southern Philippines Foundation (USPF) Baby Panthers sa crossover semifinals sa Seaoil National Basketball Training Center (NBTC) Elite League karong alas-10 sa buntag didto sa City Sports Club-Cebu sa Cebu Business Park.

Ang Magis Eagles maoy leader sa Group-B sa ilang 4-0 nga baraha. 

Ang USPF Baby Panthers maoy no. 2 sa Group-A bitbit ang 3-1 nga baraha sunod sa walay pildeng University of the Visayas (UV) Baby Lancers.

Harungon sa Baby Lancers ang Cebu Eastern College (CEC) Dragons nga nagtangag og 3-1 alang sa laing crossover semifinals karong Miyerkules.

Ang mga mananaog maoy mag-abot sa finals sunod semana.  (BANAT SPORTS)