Sharapova vs Azarenka sa Australian Open finals

MELBOURNE, Australia - Naipaghiganti ni Maria Sharapova ang kanyang Wimbledon loss kay Petra Kvitova para makabalik sa Australian Open final sa unang pagkakataon sapul nang makuha ang huli sa kanyang tatlong major titles noong 2008.

Tinalo ni Sharapova si Kvitova, 6-2, 3-6, 6-4, para itakda ang kanilang championship match ni Victoria Azarenka.

Ang third-seeded na Belarusian ang sumibak na­man kay defending cham­pion Kim Clijsters sa semifinals para umabante sa kanyang unang Grand Slam final.

Ang mananalo sa finals ang siyang makakakuha ng No. 1 ranking.

Umiskor naman si Azarenka ng 6-4, 1-6, 6-3 panalo laban kay Clijsters sa kanilang semifinals game.

Binasag niya ang tatlong serve ng Belgian sa third set tungo sa kanyang ikalawang finals appearance.