Baby Lancers nidaog
CEBU, Philippines - Ang Cebu Schools Athletic Foundation, Inc. (CESAFI) juniors champion University of the Visayas (UV) Baby Lancers midaog batok sa University of San Carlos (USC) South, 73-66 sa Seaoil National Basketball Training Center (NBTC) Elite League didto sa City Sports Club sa Cebu Business Park.
Sa sayo pa, walay singot nga natagak ang Springdale dihang nidaog kini pinaagi sa default batok sa Don Bosco Technology Center.
Si Andres Paul Desiderio, ang CESAFI juniors MVP miposa og 21 puntos aron pangulohan ang UV, samtang si Matthew Oche midugang og 18 puntos ug si Lyndyl Earl Dave Undaloc miamot og 12 puntos.
Ang Baby Lancers mao karon ang nag-una sa Group A sa ilang 4-0 nga baraha, samtang ang USC-South adunay 1-1 nga baraha sa Group B. (BANAT SPORTS)
- Latest
- Trending
