LLBA drafting himuon ugma

CEBU, Philippines - Gitakda ugma, Disyembre 21 ang tinuig nga drafting sa Lapu-Lapu Basketball Association (LLBA) didto sa Villas Magallanes sa Sta. Lucia Property sa nahisgutang dakbayan.

Sugdan ang kalihukan sa alas-7 sa gabii ug inig human sa drafting isunod dayon ang ilang Christmas Party.

Ang drafting agi'g pagpangandam alang sa umaabot nilang LLBA-Radaza Cup 2012 basketball tournament nga gikatakdang buksan sunod bulan.

Pagapaluyohan kini ni Lapu-Lapu city councilor ug city sports commission Harry Radaza, Rolly dela Pieza ug Brgy. Capt. Lauro Soroño.

Mga opisyales sa LLBA naglakip nilang Alan Yu (president), Dr. Michael Ouano (vice president), Tito Francisco (treasurer), Chris Bacus (secretary), Eddie Bontes (commissioner).

Ang tag-iya sa JB Sportswear nga si Billy Nadado maoy organizer. (BANAT SPORTS)