Perpetual humataw sa NCAA indoor volleyball

MANILA, Philippines - Umukit ng mga panalo ang tatlong koponan ng host Perpetual Help para sa magandang panimula sa 87th NCAA indoor vol­ley­ball na nagbukas ka­ha­pon sa Ninoy Aquino Sta­dium.

Ipinakita ng bagong set­ter na si Arianne Argarin ang kanyang husay nang tu­lungan ang Lady Altas sa 25-10, 25-11, 25-18 panalo laban sa Lyceum Lady Pirates sa tagisan ng mga ko­ponang naglalaro sa se­mi-commercial league.

Ang panalo ay makaka­tulong upang tumaas ang morale ng host Perpetual dahil ang Lyceum ay kilala bilang isang kampeon nang naglalaro pa sa women’s NCAA.

 “Lyceum is a tough team because they have championship experience while playing in the WNCAA. But this is their first game in the NCAA which is entirely a different level from the other leagues they participated in,” wika ni coach Mike Rafael.

Hindi naman nagpahu­li ang kanilang juniors at men’s team na kumuha rin ng straight sets win.

May 25-7, 25-13, 25-16 pa­nalo ang Altas sa Pirates pa­ra buksan gamit ang pa­nalo ang hangaring mapanatili ang titulo sa men’s division, habang 25-16, 25-13, 25-16, tagumpay ang ipinoste ng Junior Altas sa Junior Pirates.

Nangibabaw rin ang Arel­lano, ang 2010 runner-up, laban sa Mapua, 25-17, 25-22, 26-24, habang 25-8, 25-10, 25-9 dominasyon ang ginawa ng Lady Chiefs kontra sa Lady Cardinals.

“I congratulate our team as well as all the par­ticipating schools for gi­ving it their best,” wika ng league president na si An­thony Tamayo ng host Perpetual Help sa mga lumahok sa NCAA indoor volleyball.