Libreng Pacquiao-Marquez PPV sa CCSI
CEBU, Philippines - Libreng "pay-per-view" sa WBO welterweight title bout tali ni Manny Pacquiao ug Juan Manuel Marquez ang makita diha sa Cebu City Sports Institute (kanhi San Nicolas Sports Complex).
Kini ang gipahibalo ni Cebu City Sports Commission (CCSC) chairman Edward Hayco.
Ikatulo na kini nilang tuig nga mopasalida og libreng "pay-per-view" sa away ni Pacquiao alang sa mga residente nga anaa duol sa CCSI.
"Kani gud ang location sa Cebu City Sports Institute gituyokan sa mga barangay like Sawang Calero, Pasil, Pahina San Nicolas ug uban pa, so we decide nga to have a free pay-per-view para makakita pud sila sa away," matud pa ni Hayco.
Dugang pa ni Hayco nga makatabang sab kini sa ilang grassroots program sa boxing alang sa mga kabataan sa Sugbu.Giawhag ni Hayco ang mga boxing fans nga mosayo sa CCSI aron makapahiluna kini og maayo.
Sugdan ang salida sa alas-9 sa buntag. (BANAT SPORTS)
- Latest
- Trending
