Magiging malinis na laban ang Pacquiao-Marquez III

LAS VEGAS --- Tiniyak ng mga trainers nina Manny Pacquiao at Juan Ma­nu­el Marquez na walang ma­giging isyu kaugnay sa pag­gamit ng illegal subs­tance isang araw bago ang ka­nilang upakan dito sa MGM Grand Are­na.

“You get a fighter in sha­­pe and make him work hard and some people think there must be something fishy about that,” sabi ni five-time Trainer of the Year Freddie Roach. “I don’t want to do that to them.”

Matatandaang gina­wang isyu ni Floyd May­wea­ther, Jr. ang pagsailalim ni­la ni Pacquiao sa isang Olympic-style random drug at urine testing.

Ito ang ginamit na da­hi­lan ng 34-anyos na si May­weather para dalawang beses na tanggihan ang pinaplantsang me­gafight nila ng 32-anyos na si Pac­quiao na pinarata­ngan ng Ame­rican fighter na gu­ma­gamit ng Performan­ce-En­hancing Drugs (PEDs) sa kanyang mga la­ban.

Para sa kanyang pag­ha­­ha­mon kay Pacquiao bu­­­kas, nagdagdag ng tim­­­bang at muscle ang 38-anyos na si Marquez.

“There are different ways to get a fighter very strong. We’ve done it the right way,” wika ni Mexican trai­­ner Ignacio Beristain kay Mar­quez. “I don’t see why somebody should doubt we have done it the right way.”

Naging usapin naman ang pagkuha ni Marquez sa kontrobersyal na si strength and conditioning coach si Angel Heredia, nag­­bigay ng performance-en­hancing substances kina Ame­­rican athletes Marion Jo­nes at Tim Montgomery at ilan pang mga dating US ath­letics stars.

Pinabulaanan ni Marquez na gumamit si­ya ng ban­ned substances para lu­maki ang kanyang kata­wan.

"I have done a clean pre­paration for this fight like always," ani Marquez. "I will take any test any ti­me. That's why anti-doping exams exist.”

Pawang mga nutrition at technique guidance lamang mula kay Heredia ang hiningi ni Marquez.

"If he came to Juan with something, I know he wouldn't take it. ,” ani Beris­tain kay Heredia.