Talisay, Mandaue boxers misidlak sa Dual meet

CEBU, Philippines -  Misubang ang mga amateur boxers gikan sa Sta. Cruz Boxing Club sa Talisay City ug sa Flores Boxing Club (FBC) sa Mandaue City nga parehong mihipos og tulo ka daog sa Amateur Boxing Dual Meet didto sa barangay Linao, Talisay City.

Si Jhon Niño Vega sa FBC-Mandaue midaog sa puntos batok ni Almer Dabon sa Sta. Cruz-Talisay, ang iyang kauban nga si Ariel Sibay midaog sab batok ni Marvin Pumar sa Sta. Cruz-Talisay.

Ang ikatulong boksidor gikan sa FBC-Mandaue nga mikulit og impresibong kadaugan mao si Mark Kevin Soreno, kinsa midaug sab sa puntos batok kang Lester Dula sa Sta. Cruz-Talisay.

Sa laing sangka, si Marco Pumar sa Sta. Cruz-Talisay midaog pinaagi sa puntos batok ni Jhonriel Jecong sa FBC-Mandaue, si Kitseron Garces sa Sta.Cruz-Talisay midaog sab pinaagi sa puntos batok John Ybanez sa FBC-Mandaue ug ang ikatulong boksidor gikan sa Sta. Cruz-Talisay nga midaug mao si John Britannia nga midaog sab sa puntos batok ni Sherwin Legaspi sa FBC-Mandaue.

Si Joshua Bacus sa Lagtang, Talisay midaog sa puntos batok kang Cedie Noblefranca sa Cansojong sa All-Talisay showdown.

Sa exhibition bout, ang former pro-boxer nga si Fabio Marfa midaog batok kang William Sanchez.

Ang Talisay amateur boxing gipaluyohan ni Talisay City councilor Val Ylanan. (BANAT NEWS)