Blu Girls may pag-asa pa

MANILA, Philippines - Ang isang forfeiture vic­tory laban sa Iraq ang nagbigay ng pag-asa sa RP Blu Girls na makuha ang isang quarterfinal seat sa 10th Asian Women’s Softball Championship sa Nantou, Taiwan.

Dumating ang Iraq sa Ciaoguang playing field na may pitong players lamang dahil ang apat nilang mainstays ay nagkaroon ng mga injuries.

Bunga nito, idineklara ng mga organizers na pana­lo ang Blu Girls via default.

Ang official score ay 7-0. Para makapasok sa page-system round, kaila­ngang talunin ng mga Pi­nay ang Southeast Asian Games archrival nitong Thailand na nakatakda ka­hapon.

Isang beses lamang na­nalo ang Thailand sa Blu Girls sa kanilang pagkikita sa SEA Games at Asian tournaments.

Ang magiging top three ang siyang kakatawan sa rehiyon para sa 2011 World Championship.

Parehong may 2-2 re­kord ang Blu Girls at Thailand sa Pool A ng two-group elimination.