St. Peter's Life Run gitakda sa Okt. 23

CEBU, Philippines - Ang ikaduhang edisyon sa "St. Peter's Life Run" ipahigayon karong Oktubre 23 diha sa Asiatown I.T. Park sa barangay Apas, ning siyudad.

Sa miaging tuig, ang lumba nakadani og 2,500 runners ug gilauman sa organizer nga ilang matupngan o malabwan ang unang edisyon.

Ang event organizers mokolekta lang og P200 nga registration fee sa mga partisipante sa 10K, 5K ug 3K categories, libre na ang specially-designed race singlet, snacks ug raffle human sa lumba.

Gawas sa kompetisyon, ang lumba magsilbe usab nga fund-raising event diin ang matigom nga salapi ilang itabang pagpalit og mga bag-ong bags alang sa mga kabus nga tinun-an sa Alaska Elementary School, Sawang Calero Elementary School, Regino Elementary School, Bagong Lipunan Elementary School ug Carretta Elementary School.

"Last year, it was Bantay Bata that we have chosen for this charity event but this year we decided to go to public schools here in Cebu to give to those unfortunate students brand new school bags," matud pa ni St. Peter's-Ayala branch manager Ging Delantar atol sa press conference kagahapon didto sa St .Peter's Mega Chapel sa Imus Road, ning siyudad.

Dul-an sa P40,000 nga ganting salapi ang ihatag ngadto sa top finishers sa matag kategoriya.

Ang registration sugdan karong adlawa didto sa St. Peter Mega Chapel sa Imus Road, RUNNR sa Ayala Center Cebu ug Nike Park sa Ayala Active Zone. (BANAT NEWS)