Van System ug Talisay daug sa exhibition Full

CEBU, Philippines - Ang Power Forty champion Van System midaug batok sa Vintage Pardo sa iskor 93-81 samtang midaug sab ang bisitang Talisay Selection batok sa Power Forty Selection, 106-99 atol sa usa ka exhibition game kaniadtong Sabado atol sa ika-25 (silver) nga anibersaryo sa Power Forty didto sa Inayawan Sports Complex.

Ang nahisgotang duwa gipasiugdahan nilang Power Forty commissioner Edwin Dejacto, Atty. Flor Yosores, Vez Eleguin ug Tony Navares, ang bag-ong presidente sa grupo. Ang maong kalihokan natumong sab sa ilang awarding ceremony sa bag-o lang natapos nga torneyo sa miaging semana.

Ang Customs police nga si Jingjing Rama maoy mihatag sa ganting cash nga nagkantidad og tres mil pesos.

Sa primerong duwa, mihakot og 26 puntos si Rikboy Nacario aron pangulohan ang Talisay Selection samtang silang Ikan Cabañero ug Etyok Gerali midugang og 24 ug 20 puntos matag usa.

Ang Power Forty gipangulohan ni Joel Cañete kinsa miburak og 34 puntos ug si Rama midugang ug 14 puntos samtang si Michael Arias miposa og 13 puntos.

Si Fernando Sumargo kinsa maoy napiling MVP sa maong duwa, maoy nangu sa Van System sa iyang 22 puntos samtang sila si Celso Cabaluna ug Joel Jaca miamot og 18 ug 17 puntos matag usa.

Upat ka players sa Vintage ang mibahug og double figures pinangulohan ni Mike Sereño kinsa mi-iskor og 16 puntos.

Puntos matag usa:

First Game:

Talisay Selection (106)— Nacario 26, Cabañero 24, Gerali 20, Torres 7, Javierto 6, Cabañero 5, Cañedo 4, Laroa 2

Power Forty (99)— Cañete 34, Rama 14, Arias 13, Mercado 11, Cabrera 9, Sumargo 5, Yosores 5, Mabalcon 4, Vernaiz 4

Second Game:

Van System (93)— Sumargo 22, Cabaluna 18, Jaca 17, Genzon 10, Labalan 7, Samson 7, Montuis 6, Nacario 2, Abarquez 2, Cabatas 2

Vintage Pardo (81)— Sereño 16, Ebrado 15, Aquino 14, Belleza 10, Luaron 9, Ungria 4, Dolino 2.  - BANAT NEWS