Kobe no. 3 na lang

CEBU, Philippines - Matag tuig, ang Harris Interactive mopahigayon og survey aron ilhon kinsay labing popular nga sports stars sa America pinasikad kun kinsa maoy daghang diehard audience.

Sa miaging tuig, si Kobe Bryant sa Los Angeles Lakers kinsa bag-ohay lang mibisita sa Manila, maoy nahimong no. 1 apan midailos na lang siya karon ngadto sa no. 3 sa listahan sa mga lalaking atleta ug nagtabla sa maong pwesto kang Michael Jordan.

Ang labing popular karon nga atleta sa America mao si Derek Jeter sa bag-ong MLB champion New York Yankees ug ang no. 2 mao ang quarterback sa Indianapolis Colts nga si Peyton Manning. Kining listahan nakuha gikan sa Janis Carr on OCRegister.com:

Apan dili parehas kang LeBron James nga natagak gyud sa Top 10, si Bryant nakatungtong lang gihapon sa ikatulong pwesto.

Ang no. 1 sa listahan sa mga babayeng atleta mao si Serena Wiliams, ang tennis superstar.

Ang buot untang mo-ilog sa pwesto ni Williams mao si Abby Wambach apan sa ikatulong higayon, si Williams gihapon maoy mipatigbabaw.

Dili kaayo kahibudngan kung nganong nakuhaan ang popularidad nilang Bryant ug James ilabi na tungod kay ang ila man untang team maoy angayan mahimong kampiyon sa NBA. Human mapilde ang Lakers sa Dallas Mavericks sa second round sa playoffs, natagak dayon si Bryant sa listahan apan mas taas ang nahagbongan ni James.

Ang nakaparat pa gyud niini kay daw sa walay NBA nga mahitabo karon nga season busa walay taga NBA nga ilakip paglista ug hayan mahimutang kini didto sa Shutdown Corner ug ang posibleng mo-ilog sa pwesto ni Bryant mao si Tom Brady.

Ang mosunod mao ang kumpletong listahan sa Top 10 sa mga lalaki 1. Derek Jeter 2. Peyton Manning 3. (tie) Kobe Bryant 3. (tie) Michael Jordan 5. Tiger Woods 6. Tom Brady 7. (tie) Albert Pujols 7. (tie) Hines Ward 9. Derrick Rose 10. Aaron Rodgers.

Ang Top 10 sa mga babaye 1. Serena Williams 2. Venus Williams 3. Danica Patrick 4. Maria Sharapova 5. Mia Hamm 6. Anna Kournikova 7. (tie) Martina Navratilova 7. (tie) Sue Bird 9. (tie) Kerry Walsh 9 ug Michele Wie.  - BANAT NEWS