Kirelinko mahalon ra kaayo

CEBU, Philippines - Naglaraw unta si Andre Kirelinko nga moduwa sa Real Madrid nga team gikan sa Spain apan tungod sa kamahal sa iyang gipangayon nga sweldo, wala siya kuhaa. 

 Ang 30 anyos nga kanhi forward sa Utah Jazz mipakita'g interest nga moduwa sa Real Madrid club apan wala kini mokuha kaniya tungod sa iyang gipangayo nga sweldo nga mokabat og 5.8 million dollars.

Si Kirelinko mikita og kapin sa $17.8 million sa miaging season sa Jazz nga maoy kataposang tuig sa iyang unom ka tuig nga kontrata sa kinatibuk-ang $86 million nga suholan.

Ang iyang gipangayo nga $5.8 million gamay ra kaayo kung itandi sa iyang average salary sa NBA.

Bisan pa man tuod og usa siya sa mga maayong laki sa NBA, si Kirelinko magamit sa daghang paagi ilabi na sa makita sa boxscore apan wala sab siya makaduwa og 18 ka higayon matag season sukad sa iyang nabantug nga pagsulbong sa NBA niadtong 2004-05 season ug daghang mga fans sa Jazz ug team's coaching staff ang dili kaayo gahanan kaniya.

Daw nakasabot ang Real Madrid sa maong kahimtang ug bisan pa man tuod og balor og $5.8 million dollars si Kirilenko sa NBA, gimahalan ra ang Real Madrid kaniya.  - BANAT NEWS