STC Move with AIR Run gitakda
CEBU, Philippines - Ang third edition sa St. Theresa's College Move with Awareness, Involvement and Responsibility (AIR) mosikad karong Hulyo 23 diha sa STC grounds sa General Maxilom Avenue, ning siyudad.
Ang Move with AIR naglatid og 5K ug 10K categories.
Ang 5K, lumba sa tanang tinun-an sa STC ug fun runners, samtang ang 10K bukas sa tanan.
"During the last edition, we attracted only 400 runners because there was another run on that day. Hopefully this time we will be able to reach at least a thousand runners," matud pa ni STC 2011 Alumni Homecoming and Fun Run chairman Yvonne Gomoz sa press conference kagahapon didto sa STC audio visual room.
Ganting salapi ug medalya ang nagpaabot alang sa mga mananaog sa matag dibisyon.
Gawas nga nahimo na kining tinuig nga lumba alang sa Saint Theresa’s College, ang lumba usa usab ka fund raising program diin ang pundo nga matigom itabang ngadto sa community outreach program, livelihood project in basic training ug college scholarship program.
Ang registration fee nagkantidad og P300 libre na ang singlet, race number ug snacks. Mahimong magparehistro sa Saint Theresa’s Alumni Association, RUNNR ug ROX sa Active Zone sa Ayala, Columbia sa SM ug CDU office. (BANAT NEWS)
- Latest
- Trending
