Chinabank Fun Run mosikad sa Hulyo 17
CEBU, Philippines - Agi'g usa ka pamaagi aron molig-on ang ilang relasyon ngadto sa ilang mga kliyente, ang Chinabank nga usa sa labing karaan nga bangko dinhi sa Sugbu mopasiugda sa labing una nilang fun run karong Hulyo 17 atubangan sa Chinabank sa Cebu Business Park.
Gipahaom sa ika-63 nga anibersaryo, ang mga kadagkuan sa Chinabank misaad og dagkung ganting salapi sa tanang mananaog sa 12K, 6K ug 3K runs.
"We believe that this will further strengthen our bond with our clients as well as help us build new relationships with prospective clients," matud pa ni Partick Go, vice president ug region head sa Chinabank.
Usa usab kini ka fund raising program diin ang organizers mipili sa ABS-CBN Tabang Patrol program nga maoy ilang beneficiary.
Mapasigarbuhong gipahibalo ni race director Joel Baring nga may 600 ka runners ang nagparehistro.
Aduna kini registration fee nga P250. Ang deadline kutob lang karong Hulyo 1. Niadtong gustong mosalmot, mahimong magparehistro sa tanang Chinabank dinhi sa Sugbu. (BANAT NEWS)
- Latest
- Trending
