Mavs gustong mo-una

CEBU, Philippines -  Karong alas 8 sa buntag, ipahigayon ang Game 3 sa best-of-seven NBA Finals didto sa American Airlines Center sa Dallas, Texas diin ang host team nga Mavericks nangandam na unsaon nila pagpukan ang Miami Heat aron buk-on ang 1-1 nga panagtabla sa serye.

Niining duwa-a makita sab kung kinsa sa duha ka teams ang adunay katakos nga mahimong kampiyon sa 2010-2011 season.

Kung atong balikan ang kasaysayan sa 2011 playoffs, ordinaryo lang kaayo sa Dallas nga modaog bisan pa og mabiya-an og double digits ug sa upat ka higayon, ila kining gipamatud-an.

Ang Mavs mi-rally gikan sa 12 puntos nga biya aron pagpukan sa Portland Trailblazers aron modaog sa Game 6 sa iskor, 103-96 atol sa first round.

Human niana, mi-rally sab ang Mavs gikan sa 16 puntos nga biya aron pagpukan sa defending champion Los Angeles Lakers atol sa Game 1 sa Western Conference semifinals didto sa Staples Center, 96-94.

Sa Game 4 sa West Finals batok sa Oklahoma City Thunder, naglungag ang Mavs og 15 puntos nga biya aron modaog sa overtime, 112-105 aron pakuratan ang Thunder didto sa ilang homecourt.

Busa, dihang mihimo’g huddle ang Mavs sa may 7:14 ang nahibilin sa fourth quarter atol sa Game 2 sa NBA Finals batok sa Heat diin lain na sab nga 15 puntos ang ilang gigukod, wala sila manumbaling niini tungod kay ila naman kining nahimo pag-apas sa miaging mga duwa.

Ang resulta? Midaog ang Mavs gikan sa 15 puntos nga biya, 73-88 sa Game 2 niadtong Biyernes sa iskor, 95-93 nga maoy pinakadakong fourth-quarter comeback sa Finals sulod sa 14 ka tuig.

“If you’re going to win a championship, you have to have the wherewithal to hang in there when things get tough. You have to keep believing. All year our guys have believed,” matod pa ni Dallas coach Rick Carlisle.

Bisan pa sa maayong depensa sa Heat niadtong duwaa, gihimo sa Mavs ang lisod buhaton aron malikayan ang 0-2 nga baraha atol sa ilang pagbalik sa Dallas karong adlawa. Hinoon, nagtabla ang serye sa 1-1.

Matod pa ni Jason Terry dihang iyang nakita nga daw nagsa-ulog na ang Heat “Seeing them celebrate like that, it was really disheartening for us.”

“Then I took another glance at the score and at that time, there was a lot of time left. And so in the huddle, in that timeout, we looked at each other to a man and said, ‘Hey, we have one opportunity. Let’s make a run at this. Get some stops. Get some baskets. Get back feeling good about ourselves,” mipadayon pagsugilon si Terry.

Tungod kay naglabaw na man sila’g dako, may makabentaha unta ang Heat kung ila pang gipahinayan ang duwa ug unta ang beteranong si Mike Bibby kinsa mibahug ug 14 puntos ug upat ka steals sa iyang ika-97 nga pagduwa sa playoffs, mao untay nagdala sa duwa aron kini pahinayan apan padayong misalig ang Heat sa third-year point guard nga si Mario Chalmers didto sa fourth period ug wala gyud pasudla si Bibby.

Sila si Dwyane Wade ug LeBron James ang nagtimon sa opensa apan wala’y bola si Chalmers hinungdan nga daghang mga tiradang nausik tungod sa dali-dali aron dili maabtan sa shotclock. Ang resulta, silang Wade ug James nakahimo’g tagurha ka turnovers- sa final quarter.

Gitawag ni Heat coach Erik Spoelstra ang ilang opensa sa fourth quarter nga “uncharacteristic.”

“We were running down the [shot] clock to the end. That’s not been a successful formula now for us the last three months,” matod pa ni Spoelstra.

Ginamit ang 17-2 run pinaagi sa pag-abag ni Terry, misumbalik ang Mavs. Ang dos puntos sa Heat gikan lang sa duha ka free throws.

Nahingpit ang comeback sa Mavs dihang nakapasulod og triple si Dirk Nowitzki aron molabaw sa iksor, 93-90 may 57.6 segundos ang nahibiling oras apan gitabla sab dayon kini ni Chalmers kinsa mitubag og tres, 93-all.

Atol sa timeout, nagkanayon si Nowitzki “I’m sure there was a little cussing involved. If you’re down 15 and you make an amazing run like that, and you’re up three, you can’t give up a wide-open 3. It just can’t happen.”

Dayon, ang lay-up ni Nowitzki batok kang Chris Bosh maoy mipadaog sa Dallas. “We got lucky down the stretch,” matod pa ni Nowitzki.

Niining kasoha, kanunay buynas ang Dallas sa postseason. (GGM)(BANAT NEWS)