CV nalansang sa ikaupat sa Palaro 2011
CEBU, Philippines - Sa naandan, ang Central Visayas nitapos gihapon sa ikaupat nga dapit sa overall, apan mihimo'g impresiyon paghuman sa 54th Palarong Pambansa kagahapon didto sa Jose P. Rizal Memorial State University (JRMSU) Sports Complex sa Dapitan City.
Matud pa ni Department of Education (DepEd)-7 Director Dr. Recaredo Borgonia nga bisan nalansang sila sa ikaupat, natagbaw gihapon siya sa performance sa rehiyon kay wala na kaayo sila mabiya-i og maayo sa Region IV-A itandi sa miaging edisyon sa tinuig nga sports conclave.
Sud sa pito ka tuig, ang Central Visayas mao ang mopa-okupar sa ikaupat nga dapit.
Sa gihapon, ang powerhouse National Capital Region (NCR) maoy nidaog sa overall championship uban ang 572.66 points. Ang Region VI nga maoy ikaduha adunay 479.5 points, gisundan sa Region IV-A sa ilang 429.5 points ug Region VII nga adunay 329 points.
Mikompleto sa top ten ang Region X (172 points), Region XII (146.16), Region XI (141.25), Region III (141), Region IV-B (102.5) ug Region IX (79.91). (BANATSPORTS)
- Latest
- Trending
