"Bike Fun Ride" gikatakda karong Mayo 22

CEBU, Philippines - Ang Banilad Town Centre (BTC) ug Bikecology mopahigayon sa labing unang "Beat The Cycles: Bike Fun Ride" karong Mayo 22   diha sa BTC grounds.

Tumong sa maong biking event mao ang kasaulogan ug fund raising program alang sa National Stroke Awareness Month diin ang matigom nga salapi itabang ngadto sa mga stroke patients diha sa Cebu City Medical Center (CCMC).

Ang kinatibuk-ang rota sa fun ride adunay gilay-on nga 25 kilometros gikan sa BTC molatas sa A.S Fortuna Avenue ug Fuente Osmeña ug balik sa starting point.

Modala sa technical committee mao si Joel Baring sa Sports and Fitness Enthusiasts (SAFE).

Ang fun ride bukas sa tanang bikers gamit ang bisan unsang matang sa bisiklita sama sa road bike, mountainbike, folding bike ug BMX riders.

Sa mga interesadong mosalmot, ang registration fee nagkantidad og P100 libre na ang tubig ug kahigayonan nga modaog sa raffle human sa kalihukan. (BANATSPORTS)