San Marino giluwas ni Armecin

CEBU, Philippines - Nakapasulod og usa ka krusyal nga three-pointer si Eleazar Armecin nga maoy nagduslit sa mainitong rally sa San Marino Corned Tuna aron maangkon ang 59-54 nga kadaugan batok sa Ave Maria Sanctuary Park niadtong Martes sa 5th CESAFI Partners' Cup didto sa Cebu Coliseum.

Kanunay untang naglabaw ang Ave Maria hangtod paghuman sa third quarter, 44-33, apan hinay-hinay nga mikamang sa unahan ang San Marino nga mikalingaw og papas sa labaw gamit ang makapakurat nga rally.

Wala madugay, kalit na-usab ang dagan sa duwa dihang miantog si Armecin og three-pointer aron hatagan ang San Marino og 56-54 nga abante sa nahabiling uno minuto sa duwa.

Nagsugod og tidlom ang Ave Maria human mosipyat sa iyang duha ka free throws si Banjo Capillar.

Si Rene Pacquiao adunay 13 puntos, samtang sila si Armecin ug Monbert Aron nagkumboya og 15 puntos alang sa San Marino nga nagbitbit karon og 6-4 win-loss record.

Walay bisan usa ka player ang niantog og double figures sa Ave Maria nga nakatilaw sa ikalima nilang kapildihan batok sa tulo ka daog. (BANATSPORTS)