Pañeros mi-abante sa semis sa IBP hoop

CEBU, Philippines - Nasakmit sa Pañeros Dynasty ang katapusang luna sa semifinals pinaagi sa paglubong sa Blue Eagles ni Atty. Kit Enriquez, 48-35 atol sa ilang tinaktakay nga duwa  sa elimination round sa 6th Integrated Bar of the Philippines (IBP) All Lawyers League basketball tournament didto sa Capitol Parish gym sa dalan Escario, ning dakbayan.

Ang Pañeros Dynasty nakig-uban sa laing tulo ka semifinalists mao ang Bhutakalz, Demonyos ug Pecandela-Mang Tinapay.

Ang semifinals sugdan karong Sabado diin ang no. 1 seed nga Bhutakalz makigsangka batok sa no. 4 nga Pañeros ug ang no. 2 nga Los Demonyos makigkumbati batok sa no. 3 nga Pecandela-Mang Tinapay.

Ang mga mananaog maoy mag-abot alang sa kampiyonato ug ang mga pildero maoy mag-ilog sa ikatulong pwesto.

Puntos Matag Usa

Pañeros (48) - Juban 10, Ordeniza 6, Molde 6, Mendoza 6, Busi 5, Aliño 5, Manching 5, Denopol 2, Calipayan 2, Cabilte 1

Eagles (35) - Velmonte 12, Arrabis 6, Godornes 4, Alviola 3, Abcede 2, Lagahit 2, Suson 2, Avila 2, Pareja 2 (BANAT NEWS)