ANKLA, CRV magtakus sa FYA finals

CEBU, Philippines - Gipalagpot sa team ANKLA ug CRV ang tagsa-tagsa nilang mga kaatbang aron maoy magsangka sa kampiyonato sa 3rd F. Llamas Youth Association (FYA) basketball tournament sa Sitio Manggahan open court sa Brgy. Punta Princesa.

Ang ANKLA unang mi-abante sa finals human ilang gipukan ang Vikings sa iskor nga 85-78, samtang ang CRV miabante sa finals human gipilde ang Habagat sa iskor nga 95-89.

Sila si Phil Pardenilla ug Chrissar Llegunas maoy nangu sa ANKLA nga nagkumboya og 30 puntos. Si Pardenilla mitira og 16 puntos, samtang si Llegunas mipunting og 14 puntos.

Si Dondon Cadungog, kinsa miburak og 24 puntos mao sab ang nangu sa Vikings.

Sa laing bahin, si Dexter Caballero mipabuto og 36 puntos alang sa CRV. Nakakuha sab siya og suporta gikan ni Ranel Patalita nga miabuno og 19 puntos.

Ang managsuong Nico ug Tata Laborte maoy nangu sa Habagat nga nagkumboya og 43 puntos.

Gipasiugdahan ni tournament director Boy Atillo, ang torneyo sa FYA gipaluyohan sab sa Harold Hotel ug MJDL Brokerage.

Puntos Matag Usa

Unang duwa:

ANKLA (85) - Pardenilla 16, Llegunas 14, Aglipa 12, Sonsona 10, Endrina 8, Joedon 5, Pelaez 2, Tolentino 2, Avila 2.

Vikings (78) - Cadungog 24, Baldago 15, Sydiongco 12, Cal 11, Canseko 7, Basalo 5, Lañojan 2

Ikaduhang duwa:

CRV (95) - Caballlero 36, Patalita 19, Torrelisa 11, Cañete 8, Dacayana 7, Estella 6, Tomada 4, Enriquez 2, Garcia 2

Habagat (89) - N. Laborte 22, T. Laborte 19, E. Oropa 16, Asunso 8, Arias 7, K.Oropa 6, Salinas 5, Oosaceña 2, Abella 2, Marata 2 (BANAT NEWS)