Premyo sa Three Sixty Run gipatas-an

CEBU, Philippines -  Gipatas-an pa sa Three Sixty Pharmacy ang ganting salapi nga madawat sa mga mananaog sa "Three Sixty Run for Japan" karong Mayo 22 didto sa Asiatown I.T sa Brgy. Apas, ning siyudad.

Ang kampiyon sa 15K makaangkon og P10,000, samtang ang second ug third placers makadawat og P7,000 ug P5,000 matag usa.

Sa 6K division, ang first placer mobulsa og P5,000, samtang P4,000 ug P2,000 alang sa ikaduha ug ikatulong dapit.

Mga medalya ang madawat

sa mga mananaog sa 3K ug kiddie dash ug ang mapiling best in costume gantihan og P2,000

Gawas sa kompetisyon ang maong lumba magsilbe usab nga fund run alang sa mga nabiktima sa grabeng linog ug tsunami nga miigo didto sa nasud sa Japan.

Nasugdan na ang registration sa mga sangang buhatan sa Three Sixty Pharmacy sama sa Banilad, Persimmon-Mabolo ug La Guardia-Lahug ug sa Runnr sa Ayala Center-Cebu.

Ang registration fee nagkantidad og P500 libre na ang limited edition jersey, snacks ug accident insurance nga nagkantidad og P50,000.  (BANATSPORTS)