Notadong runners modagan

CEBU, Philippines -  Mga notadong runners dinhi sa Sugbu ang mipadayag sa ilang partisipasyon sa 4th Mayor's Cup Run nga mosikad karong Mayo 1.

Kompirmadong modagan mao sila si Joel Delposo, Mendel Lopez, Philip Dueñas, Mary Joy Tabal ug Madelyn Carter sa open category.

Ning pagsulat, dul-an na sa 800 ang nagparehistro sa maong lumba nga sugdan sa alas-6:00 sa buntag diha sa Parkmall.

Hinugpong kining proyekto sa Mandaue Sports Commission (MSC) ug sa Mandaue Runners Club (MRC).

Gikalipay og daku ni race director Arkel Nodalo sa MRC nga misulbong og maayo ang numero sa mga runners. 

Ang lumba gibahin sa lima ka kategoriya, ang 12K open (men and women), 12K master A (41-50 years old), 12K master B (51 year old and above), 6K open (men and women), 6K inter-barangay (men and women) ug 3K inter-barangay (12 year old/ boys and girls).

Matud pa ni Nodalo nga ang inter-barangay category maoy labing daghan og partisipante.

 Aduna kini registration nga P250, libre na ang singlets, race bib ug snacks. 

Alang sa dugang mga pangutana kalabot sa 4th Mayor’s Cup, mahimong motawag ni Roy S. Lansang sa 344-0184 ug Democrito Branzuela sa 348-7944 o di ba sa 09276147786.  (BANATSPORTS)