Japanese Cyclist kinuha ang titulo sa stage two

MANILA, Philippines - Hindi malilimutan ni Kazuo Inoue ng Bridgetone-An­chor ng Japan ang pag­lahok nito sa 2011 Le Tour de Filipinas.

Ang 30-anyos na tubong Saitama, Japan ang hu­mablot sa stage two pa­ra magkaroon na rin ng ki­nang ang halos 10 taong pag­sali nito sa malalaking kom­petisyon sa bisikleta.

“First time. I’ve been in cy­cling for 10 years and this is my first win. I’m very happy,” wika ni Inoue sabay pa­lakpak sa sarili matapos ma­kahulagpos sa mala­king gru­po ng siklista sa hu­ling 500 meters ng kar­e­r­ang sinimulan sa Bala­nga, Bataan at nagtapos sa Iba, Zambales.

Kinuha ni Inoue ang 153.60 kilometrong kare­ra sa bilis na tatlong oras, 59 minuto at 19 segundo upang pangunahan ang pag­dodomina ng mga da­yuhan sa ikalawang araw ng kompetisyon na inor­ganisa ng Dynamic Out­source Solutions, Inc. (DOS-1) at handog ng Kia Motors katuwang ang Smart at Air21.

Si Hamid Shiri Sisan ng Su­ren Cycling team ng Iran, tumersera sa Stage 1 na pinagharian ni Rahim Ema­­mi ng Azad University of Iran, ang pumangalawa

Si Jai Crawford ng Giant Kenda ng Chinese- Tai­pei ang pumangatlo na ki­napos ng isang segundo sa nanalo.

May siyam na siklista ang magkakasamang tu­ma­wid sa ikalawang grupo at ang 2003 Tour champion Ar­nel Quirimit ang siyang lu­mabas bilang pinakamahusay na Filipino kahapon na­ng kunin ang ikaapat na pu­westo.

“Buweluhan nang bu­we­­lu­han,” wika ni Quirimit na ka­tulad ni Inoue ay nagmula sa likod ng grupo.

Ngunit unang nakalusot si Inoue at dalawang dayuhan dahilan para hindi na ma­kaabot pa ang 35-anyos na siklistang tubong Pozzo­rubio, Pangasinan.

Tiniyak naman ni Qui­rimit na mas magiging pa­laban siya sa Stage 3 na ita­takbo mula Iba, Zamba­les patungong Lingayen, Pa­ngasinan.

 “Hindi pa tapos ang la­ban at gagawin ko ang la­hat para hindi mapahiya sa mga kababayan ko. Ta­lagang uuna ako dahil pa­ngangalagaan ko ang pu­westo ko. At aasahan ko ang suporta ng mga ka­babayan ko,” dagdag pa ni Quirimit na kasama sa Air21.

Nakapagpasiklab rin si Os­car Rendole ng Smart nang kunin niya ang dalawang King of the Mountain pa­ra pangunahan ang kate­gorya.

Si Ericsson Obosa, su­megunda sa stage one ay hin­di naman nakaporma.