USPF Lady spikers misulong na

CEBU, Philippines - Migikan na kagahapon ang University of Southern Philippines Foundation (USPF) Lady Panthers spikers alang sa duha ka adlaw'ng 1st National Students Women's Beach Volleyball Championship nga sugdan karong adlawa didto sa UE Beach volleyball court sa Caloocan City, Manila.

Ang pambato sa Sugbu ug representante gikan sa Cebu Schools Athletic Foundation Inc. (CESAFI) nga USPF ni coach Thelma Datig gibitoonan nilang Erika Camille Verano, Apple Saraum ug Rexa Mae Gabriel.

 Ang torneyo gisalmotan   sa Southern Luzon champion Rizal Technological University, Petro-Beach Volley Tour Association champion UE Lady Warriors ug host EARIST State College. Ang mga koponan mosubay og double round robin sa elimination diin ang top two teams maoy mag-abot sa finals. - BANAT NEWS