Ravens kampiyon sa PYFBA

CEBU, Philippines - Gilubong og maayo sa Ravens nga gipangulohan ni kanhi CESAFI juniors MVP John Marty Pierce ang Wipro, 105-88 aron maangkon ang titulo sa 10th Professional Youth Fellowship Basketball Association (PYFBA) basketball tournament didto sa University of Southern Philippines Foundation (USPF)-Lahug gym.

Walay paglurang ang opensa sa Ravens ilabi na didto sa fourth period dihang ilang gitiwasan pagmakmak ang Wipro pinaagi sa ilang 16-2 run nga gipasiugdahan ni Pierce.

Ang Ravens nalakip na karon sa usa sa labing maayong teams sa PYFBA nga gilangkuban sa USJR-YOSC, Panthers, Innodata, ACES, Kalunasan, San Jose Blazers, Istorya.Net Huskies ug FYR Metaphil.

Nahimong malampuson ang torneyo pinaagi sa pagpaningkamot ni PYFBA program director Dee J. Villanueva. (BANAT NEWS)