Catmon ES mosalmot sa Shakey's V-League

CEBU, Philippines - Mosalmot sa labing unang higayon ang Catmon

Elementary School sa 8th season sa Shakey’s Girls Volleyball League Visayas Qualifying nga mosikad karong Sabado sa ala-1 sa hapon diha sa Aznar Coliseum.

Si tournament director Jordan Paca miingon nga ang organizers sa Shakey’s League mihatag na og pagtugot ngadto sa Palarong Pambansa grandslam champion Catmon nga moduwa batok sa mga koponan sa secondary division.

"They gave a nod to allow Catmon in the lineup of teams. This is the first time that an elementary team will be participating in a secondary division tournament. This is for the sake of upgrading their skills. The players of Catmon could already match up the skills of their high school counterparts based on   their performance,”   matud ni Paca.

Gawas sa Catmon Elementary School, laing koponan nga mosalmot naglakip sa University of Southern Philippines Foundation (USPF), Paref Southcrest, University of San Jose-Recoletos (USJ-R), Pajo National High School (PNHS), University of San Carlos (USC), Abellana National School (ANS), Liloan National High School (LNHS), Don Gerardo Ouano Memorial National High School (DGOMNHS) ug Colegio de la Inmaculada Concepcion (CIC)-Mandaue.

Ang kampiyon maoy morepresentar sa rehiyon sa Shakey’s G-League National karong Abril 4-9 didto sa University of St. La Salle-Bacolod sa dakbayan sa Bacolod. (BANAT NEWS)