FYA, Host Hillside Subdivision, nagtabla

CEBU, Philippines - Ang Host Hillside Subdivision ug F. Llamas Youth Association (FYA) nagtabla, 77-all paghuman sa ilang exhibition game niadtong miaging gabii nga maoy highlight sa Hillside Basketball League semifinals didto sa Hillside open court.

Modaog unta ang FYA, apan si Ranel Patalita wala makapasud bisa'g usa sa iyang duha ka free throws sa himalatyong oras sa duwa.  

Tulo ka players sa Hillside ang mirehistro og double figures nga gipangulohan ni Edsel Murallon sa iyang 16 puntos. Sila si Brian Gomez ug James Go midugang og 13 ug 11 puntos matag usa.

Si Nico Laborte miburak og 28 puntos alang sa FYA Selection, samtang si Paul Basalo miabuno og 13 puntos.

Ang Hillside League gipangulohan ni chairman Edgar Martinez uban ni Maurice Flordeliz isip tournament director. (BANATSPORTS)