Training camp sa Time Out Basketball Clinic

CEBU, Philippines - Mga aspiring hoopsters adunay kahigayonan sa pagpakita sa ilang abilidad sa dihang ang Time Out Basketball Clinic mopahigayon og usa'g- tunga ka bulan nga training camp sugod karong Disyembre 18 diha sa Cebu Coliseum.

Pagadumalaon ni kanhi Cebu Gems assistant coach Rex Salvaña, ang clinic bukas ngadto sa mga bata nga nag-edad og siyete ngadto sa 17 anyos.

Ang extensive training programs bahinon sa duha ka levels -- beginners gikan sa alas-8 hangtod sa alas-10 sa buntag ug ang advanced gikan sa alas-10 sa buntag hangtod sa alas-12 sa udto.

Atol sa training, ang mga partisipante tudloan og fundamentals sa sports sama sa dribbling, passing, shooting, footwork, on-court communication, defensive ug offensive strategies ug uban pang mga importanteng elemento sa basketbol. Ilakip sab sa training ang value formation.

Alang sa dugang mga kasayoran, mahimong motawag o text 0933-4675922 ug 0905-6554203. (BANATSPORTS)