LLBA Rollway Christmas League sugdan na

CEBU, Philippines - Mosikad na ang gikahinaman nga Lapu-Lapu Basketball Association (LLBA)-Rollway Christmas League 2010 karong adlawa diha sa Villas Magallanes gym sa Sta. Lucia Property sa Lapu-Lapu City.

Sugdan ang kalihukan pinaagi sa parada nga salmotan sa mga partisipanteng koponan ug mga opisyales sa liga sa alas-10 sa buntag.

Dose ka teams ang mopakita'g aksiyon ning maong kompetisyon.

Kini naglakip sa Solmeat ni team owner Leo Bascon, Boyla's Hotel ni Hamilton Gilig, Igot Trucking ni Junax Igot, AJY ni Allan Yu, Rollway Customs Brokerage ni Rolly de la Pieza, Rulls Home Bakeshop ni Rupert Cañizar, 3MRJ/Saymer ni Renato Casinillo, VKK Divers ni Victor Malingin, Yan C Rico ni Rico Amores, JJTS ni Roger Ompad, Cavs ni Dr. Michael Ouano ug Leo Auto Shop ni Leo Almacin. (BANATSPORTS)