Seminary Fund Run karon na

CEBU, Philippines - Kapin sa 1,300 runners ang kompirmadong modagan sa tinuig nga Seminary Fund Run sayo karong buntag diha sa Seminario Mayor de San Carlos sa Mabolo, ning siyudad.

Anaa sa ikalima nilang edisyon, ang lumba adunay tulo ka kategoriya -- 10K, 5K ug 3K.

Ang salapi nga matigom sa maong lumba gamiton alang sa pagpaayo sa 60-anyos nga Seminario Mayor de San Carlos building.

Si Cebu Archdiosese executive director Ryan Villamor, nga maoy nangulo sa maong event, miingon nga gawas sa mga seminarista gikan sa San Carlos, nakakuha sab sila og mga seminarista ug kaparian gikan sa Blessed John the XXIII, Don Bosco Seminary ug Redemptorist Seminary.

Ganting salapi ug medalya ang nagpaabot sa mananaog sa matag kategoriya. (BANATSPORTS)