Lady Falcons pipitasin na ang korona

MANILA, Philippines - Sa limang seasons na kanilang inilaro, iisang be­ses pa lamang naiuwi ng Adamson University ang pinaka-aasam na titulo, at nga­yong araw, may tsansa silang dagdagan ang bilang ng kanilang kampeonato sa Game Two ng best-of-three Finals ng ikalawang conference ng Shakey’s V-League Season 7 sa The Arena sa San Juan.

Lumapit ang Lady Falcons sa kanilang ikalawang titulo nang kanilang patum­bahin ang San Sebastian College-Excelroof sa Game One noong Huwebes sa loob ng limang sets, 25-13, 25-17, 30-32, 21-25 at 15-13.

Sa naturang panalo, nag­kapit-kamay para pa­munuan ang Minerva Dulce Pante-coached Lady Falcons ang dalawang guest players na sina former MVP Nerissa Bautista at three-time Best Blocker Mic Mic Laborte na pawang kumamada ng tig-22 puntos habang nagpakita rin ng katatagan ang dalawang mainstay na sina Angela Benting at Pau Soriano na nagsanib para sa 36 pu­ntos.

Kinapitalisa ng Falcons ang malamyang pani­­mula ng Lady Stags ng ka­­nilang iwan ang mga ito sa unang dalawang sets at sinamantala rin nila ang sunod sunod na errors na nakamit ng tropa ni coach Roger Gorayeb sa ikalimang set para angkinin ang tagumpay.

At sa kanilang pagtatangka na isarado na ang season-ending conference ng premyadong volleyball league sa bansa kinakai­langang muling ipa­­kita ng Adamson ang kanilang matinding net defense kagaya ng kanilang ipinakita noong Game One na kung saan nagtala sila ng kabuuang 16 blocks, walo mula kay Laborte at tatlo mula kay Soriano.

Kinakailangan rin nilang maging handa sa maa­a­ring pagtatangka ng San Sebastian na makabalik sa serye matapos na manga­ko ang mga ito na hindi pa huli ang lahat at kaya pa nilang muling makabalik sa serye.

Kung tuluyan na nilang masisikwat ang kampeo­nato bukas, ito na ang ka­nilang ikalawang titulo sa prestihiyosong inter-collegiate volleyball league na iniisponsoran ng Shakey’s Pizza at inorganisa ng Sports Visions ang una ay nakuha nila sa unang conference ng Season 8 nang kanilang gapiin ang Ateneo.