^

PSN Palaro

4 panalo target ng Gilas papasok sa World Cup

Chris Co - Pilipino Star Ngayon
4 panalo target ng Gilas papasok sa World Cup
Gilas Pilipinas head coach Tim Cone
FIBA

MANILA, Philippines — May misyon ang Gilas Pilipinas sa tangka nitong makapasok sa 2027 FIBA World Cup na idaraos sa Doha, Qatar.

Ayon kay Gilas Pilipinas head coach Tim Cone, ka­ilangan ng Pinoy squad na makuha ang apat na pa­nalo sa huling dalawang windows ng FIBA World Cup Asian Qualifiers.

Kung maisasakatupa­ran ito ng Gilas Pilipinas, mas lalong lalakas ang tsansa nitong makuha nag awtomatikong silya sa FIBA World Cup at hindi na kaila­ngan pang dumaan sa iba pang qualifiying event.

Unang sasargo ang fifth window kung saan maka­ka­sagupa ng Gilas Pilipinas ang Syria sa Nobyembre 27 at ang Iran sa Nobyembre 29 na gaganapin sa Seremban, Malaysia.

Binabantayan ng Gilas Pilipinas ang laro ng iba pang teams upang ma­ka­gawa ng game plan sa oras na magkrus ang ka­nilang landas.

Partikular na tinututukan ng Gilas Pilipinas ang Iran at Jordan na magiging ka­ribal ng Pinoy cagers sa puwestuhan sa Group E.

“Its important to win our next four games,” ani Cone.

Ngunit sesentro muna ang atensiyon ng Gilas sa fifth window.

Wala nang pag-asa ang Syria na may 2-6 rekord.

Subalit lalaban pa rin ito upang magkaroon ng ma­gandang pagtatapos ang kanilang kampanya sa qualifying event.

Pamumunuan ang Sy­ria ni naturalized player D’Angelo Harrison.

Bagong naturalized pla­yer ito ng Syria na naglaro sa St. John’s University sa Amerika.

Malalim ang karanasan ni Harrison na nasilayan sa aksiyon sa mga torneo sa Turkey, Israel, Russia, France, Italy at sa mismong Syria.

Ngunit tatapatan ito ng Gilas Pilipinas sa ngalan ni Bennie Boatwright na lalarga na rin bilang naturalized player sa kauna-unahang pagkakataon.

SPORTS

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with