San Roque sulod sa Final 4

CEBU, Philippines - Naangkon sa San Roque squad ang katapusang luna sa top four human sila midaog batok sa Crest Forwarder, 119-108 sa Holy Family Basketball Club (HFBC) cagefest diha sa Mabolo Sports Complex, ning siyudad.

Nagtinubagay og mga puntos ang duha ka kampo hinungdan nga nagtabla kini sa halftime, 59-all.

Nakaginhawa ang San Roque sa nahabiling 4:32 sa third canto dihang ilang nasakmit ang sayes puntos nga labaw, 78-72, sa hiniusang puwersa nilang Cidni Basubas ug Roland Rama aron pangulohan ang 11-5 rally.

Miaksiyon pag-ilog sa labaw ang Crest Forwarder, apan gisugat sila og tulo ka sunod-sunod nga triples ni Junlyn Helaria sa katapusang uno minuto sa duwa aron pagseguro sa ilang kadaugan.