Litigators, Pecandela nagtabla, 3-0

CEBU, Philippines - Parehong midaog ang Litigators team sa pagpangulo ni Atty. Flor Yosores ug ang Pecandela Law Firm batok sa tagsa-tagsa nila ka kaatbang alang sa ilang ikatulong daog aron mag-uban sa unang dapit sa 5th Integrated Bar of the Philippines (IBP) 2010 basketball tournament diha sa Capitol Parish Gym sa dalan Escario, ning dakbayan.

Parehong midaog ang Litigators team sa pagpangulo ni Atty. Flor Yosores ug ang Pecandela Law Firm batok sa tagsa-tagsa nila ka kaatbang alang sa ilang ikatulong daog aron mag-uban sa unang dapit sa 5th Integrated Bar of the Philippines (IBP) 2010 basketball tournament diha sa Capitol Parish Gym sa dalan Escario, ning dakbayan.

Ang Litigators mibuntog sa Iron Eagles sa iskor nga 76-64 luyo sa paningkamot sa kaluhang Bauzon -- Richard ug Edward   ug Lito Ortiz, kinsa maoy topscorer uban ang 18 puntos. Ang managsuong Bauzon parehong mihipos og 16 puntos.

Si Rovelson Velmonte maoy nangu sa Iron Eagles sa iyang 26 puntos.

Sa laing bahin, ang Pecandela Law Firm naka-ipsot batok sa Bros. ‘N Law sa iskor 65-63.

 Gitabla ni Estong Rama ang duwa sa iskor, 63-all, apan nakapasulod sa iyang duha ka krusyal nga free throws si Jessie Capoy sa katapusang 2.9 segundos aron mahimong bayani alang sa Pecandela.

Sa sayo pa, ang defending champion Super Idols nga gipangulohan ni skipper Ramsey Quijano mipakgang sa duha ka sunod-sunod nga daog sa Paneros pinaagi sa pag-iskor og 63-60 nga kadaugan, samtang sa main game, ang Mt. Zion midaog na gyud human gipilde ang Young Laywers Association of Cebu (YLAC) sa iskor nga 69-61. Ang Mt. Zion nakigtabla sa ilang biktima sa managsamang 1-2 win-loss records. 

 Sila si Mario Gidayawan ug Benjo Macion nagkumboya og 29 puntos aron pangulohan ang   Mt. Zion, samtang si Van Ligutan, kinsa mibugha og 21 puntos mao sab ang nangu sa naparot nga YLAC.

Puntos Matag Usa

Unang duwa:

Litigators (76) - Ortiz 18, R. Bauzon 16, E. Bauzon 16, Manus 15, Bragat 5, Tambago 4, Sumampong 2

Iron Eagles (64) - Velmonte 26, Abcede 10, Olingay 9, Avila 6, Hiyas 5, Solis 4, Sususco 2, Puspus 2

Ikaduhang duwa:

Pecandela (65) - I. Gamalloo 16, Capoy 13, F. Pepito 10, Malazarte 8, Layco 5, Avila 4, Tomaobos 3, Canete 2, Gealon 2, Gomoz 2

Bros ‘N Law (63) - Dumon 19, Verallo 12, Arrabis 10, M. Rama 6, Limalima 5, E. Rama 5, Pareja 3, Quiban 2, Labial 1  (BANAT NEWS)